ⴷⴰ ⵢⴰⴽⴽⴰ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵜⵉⵏⴷⵉ ⵉⵅⴰⵜⵔⵏ ⵉ ⵓⵣⵓⵣⵣⵔ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴳⵎⵉ ⵖⵉⴼⵙ ⴷ ⵓⵙⴷⵓⵙ ⵏ ⵡⴰⵕⵕⴰⵥ ⵏⵏⵙ ⴰⵎ ⵜⵉⵎⵙⴽⵔⵜ ⵜⴰⴽⵓⵢⴰⵙⵜ ⵖⵓⵔ ⵉⵎⵥⵥⵢⴰⵏⵏ, ⵙⵍⴰⵡⴰⵏ ⴰⴽⴽⵯ ⴳ ⵡⴰⵎⵎⴰⵙ ⴰⵏⵎⵍⴰⵏ, ⵉⴷⴷⵖ ⵉⴳⴰ ⴰⵙⴰⵢⵔⴰⵔ ⵏ ⵓⵙⵍⵎⴷ ⴷ ⵜⵡⵏⵏⴰⴹⵜ ⴷ ⵢⵓⵙⴰⵏ ⵏ ⵓⵙⵎⵖⵉ ⵏ ⵜⵉⵏⴷⵉⵜⵉⵏ ⴷ ⵉⵎⵏⵣⴰⵢⵏ. ⵜⵙⵏⴰⵍ ⵜⵡⵓⵔⵉ ⵏ ⵓⵙⵇⵇⵉⵎ ⴳ ⵢⵉⴳⵔ ⴰⴷ ⵅⴼ ⵡⴰⵏⵏⴰⵍ ⴷ ⵓⵙⵎⵓⵙⵙⵓ ⵏ ⵉⵎⴳⴳⴰⵢⵏ ⵉⵎⵢⴰⵏⴰⵡⵏ ⴳ ⵢⵉⴳⵔ ⵏ ⵓⵙⴳⵎⵉ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵏⵉ ⵉⴳⴰ ⵓⵙⵇⵇⵉⵎ ⴷ ⵜⴰⵖⴰⵡⵙⴰ ⵜⴰⴷⵙⵍⴰⵏⵜ ⵏ ⵓⵚⴽⵓ ⵏ ⵡⴰⵎⵓⵏ ⴳ ⵉⵍⵍⴰ ⵓⴼⵔⴰⴽ ⴷ ⵓⵎⵙⵓⵔⵓⴼ.
ⵙ ⵓⴱⴷⴷⵉ ⵅⴼ ⵓⵢⴰ ⵏⵏ, ⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵅⴼ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⴰⴷ ⴳ ⵡⴰⵎⵎⴰⵙ ⴰⵏⵎⵍⴰⵏ ⴷ ⵡⴰⴽⴰⵎ ⵏ ⵓⵙⴳⵎⵉ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵡⴰⴷⴰⴼ ⵏⵏⵙ ⴰⵎ ⵜⵉⵎⵙⴽⵔⵜ ⵜⴰⴽⵓⵢⴰⵙⵜ ⵏ ⵉⵎⵥⵥⵢⴰⵏⵏ, ⴷ ⵓⵙⴷⵓⵙ ⵏ ⵜⵣⵎⵎⴰⵔ ⴳ ⵢⵉⴳⵔⴰⵏ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ. ⵜⵙⵎⵓⵏ ⵢⴰⵜ ⵜⵣⴷⴰⵢⵜ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⴰⴷ ⴰⵙⵇⵇⵉⵎ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ, ⵜⴻⵜⵜⵓⵙⵙⵓⵜⵉ ⵙ ⵜⵎⵢⴰⵇⵇⴰⵏⵉⵏ ⵏ ⵜⵎⴷⵔⴰⵡⵜ ⵉⵙⵎⵓⵏⵏ ⵜⵉⵎⵔⵙⴰⵍ ⵙ ⵙⵏⴰⵜ ⴳ ⵓⵙⵡⵉⵔ ⴰⵏⴰⵎⵎⴰⵙ ⴷ ⵓⵏⵎⵏⴰⴹ.
ⵙⴳ ⵉⵡⵜⵜⴰⵙⵏ ⵏ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⵉⵜⵜⵓⵙⴳⵎⴹⵏ ⴳ 04 ⴱⵕⴰⵢⵕ 2021, ⴰⵙⵙⵔⵇⴱ ⵏ ⵜⵙⵏⵜⴰⵢⵉⵏ ⵉⵙⵡⵓⵜⵜⵙⵏ ⵜⴰⵏⴽⵔⴰ ⵙ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵓⵔⵉ ⵏ ⵓⴱⴰⵔⴰⵣ ⵉⵣⴷⵉⵏ ⴷⵉⵙ ⴰⴳⵯⵏⵙ ⵏ ⵓⵙⴰⵢⵔⴰⵔ ⴰⵏⵎⵍⴰⵏ ⴷ ⵓⵙⵙⵔⵇⴱ ⵏ ⵜⵓⴳⵜ ⵏ ⵜⵉⵍⴰⵍ ⵜⵉⵥⵓⵕⴰⵏⵉⵏ ⴷ ⵜⴷⵍⵙⴰⵏⵉⵏ ⵏⵏⵉ ⴷ ⵜⵍⵍⴰ ⵜⵣⴷⴰⵢⵜ, ⴷ ⵓⵣⵓⵣⵣⵔ ⵏ ⵜⴷⵍⵙⴰ ⵏ ⵓⵎⵙⵓⵔⵓⴼ ⴷ ⵓⵎⴹⴰⴽⴰⵕ ⵙ ⵓⵙⵎⵔⵙ ⵏ ⵜⵎⵢⴰⴷⴰⵙⵜ ⵜⴰⵏⵊⵎⵓⵜ.
ⵎⴽⵍⵍⵉ ⵉⵙⵎⵓⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵎⴰⵜⴰⵢ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵙⴰⵜⵉ ⴷ ⵜⵎⴷⵔⴰⵡⵉⵏ ⵜⵉⵏⵎⵏⴰⴹⵉⵏ ⴳⵔ ⵜⵙⵇⵇⵉⵎⵉⵏ ⵜⵉⵏⵎⵏⴰⴹⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵙⴷⴰⵡⵉⵢⵉⵏ, ⵜⵙⵡⵓⵜⵜⵙ ⴰⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵎⵎⴰⵙ ⴰⵙⴷⴰⵡⴰⵏ, ⴷ ⵉⵙⴳⵎⴹ ⵓⵍⴰ ⵓⵙⵇⵇⵉⵎ ⵢⴰⵜ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⴰⴽⴷ ⴰⵙⵉⵏⴰⴳ ⴰⵏⴰⴼⵍⵍⴰ ⵏ ⵓⵙⵏⵖⵎⵙ ⴷ ⵓⵏⵢⴰⵍⴽⴰⵎ ⵏⵏⵉ ⵉⵙⵡⵓⵜⵜⵙⵏ ⴰⵙⴷⵓⵙ ⵏ ⵜⵣⵎⵎⴰⵔ ⴳ ⵢⵉⴳⵔⴰⵏ ⵏ ⵓⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵏⵖⵎⵙ.
ⴳ ⵓⵙⴰⵜⵉ ⴰⴷ, ⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵅⴼ ⵓⵙⵎⵀⵍ ⵏ ⵜⵎⴷⵔⴰⵡⵉⵏ ⵏⵏⵙ ⴰⴽⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ ⵉⵙⵎⴳⴳⴰⵢⵏ ⴳ ⵡⴰⵎⵎⴰⵙ ⴰⵏⵎⵍⴰⵏ, ⴷ ⵅⴼ ⵓⵙⴷⵓⵙ ⵏ ⵜⵓⵙⵙⵏⴰ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵉⵏⴷⵉⵜⵉⵏ ⵏ ⵜⵎⵓⵔⵉ ⴳ ⵜⵎⵔⵙⴰⵍ ⵏ ⵓⵙⵍⵎⴷ ⴷ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⵣⴷⴰⵢⵏ ⵏ ⵉⵙⴳⵔⴰⵡⵏ ⵏ ⵙⵙⵉⵏⵉⵎⴰ ⴷ ⵉⵙⴳⵔⴰⵡⵏ ⵏ ⵜⵎⵓⵔⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴰⴼⴰⴷ ⴰⴷ ⴷⵔⵓⵏ ⴳ ⵉⵎⵓⵙⵙⵓⵜⵏ ⵏ ⵜⴷⵍⵙⴰ ⴷ ⵙⵙⵉⵏⵉⵎⴰ, ⴷ ⵓⵙⴳⵎⵉ ⵏ ⵉⵎⵥⵥⵢⴰⵏⵏ ⵅⴼ ⵜⵓⵙⵙⵏⴰ ⵏ ⵜⵥⵓⵕⵉⵡⵉⵏ ⵏ ⵢⵉⵎⵙⵍⵉ ⴷ ⵜⵡⵍⴰⴼⵜ ⴳ ⵡⴰⵎⵎⴰⵙ ⴰⵏⵎⵍⴰⵏ ⵉ ⵓⵣⵓⵣⵣⵔ ⵏ ⵜⵉⵏⴷⵉⵜⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵓⵔⵉ, ⴷ ⵓⵙⵙⵀⵔⵛ ⵏ ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ ⴷ ⵜⴽⵕⴹⵉ.
ⴰⵔ ⵉⵙⵡⵓⵔⵉ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵓⵙⵏⵎⴰⵍⴰ ⵏ ⵡⴰⵔⵣⴰⴼⵏ ⵏ ⵡⵓⵜⵓⵢ ⵉⵎⵢⴰⵖⵏ ⴷ ⵜⵙⴰⵡⵔⵉⵏ ⵏ ⵓⵙⵉⵔⵎ ⴷ ⵜⵉⵍⴰⵍ ⵜⵉⴷⵍⵙⴰⵏⵉⵏ ⵉⵜⵜⴰⵡⵙⵏ ⴳ ⵓⵙⴷⵓⵙ ⵏ ⵓⴼⵔⴰⴽ ⴷ ⵜⴷⵔⴰⵡⵜ ⵉⵕⵡⴰⵏ ⵏ ⵉⵄⵔⵔⵉⵎⵏ ⴳ ⵓⵍⴽⴰⵎ ⵏ ⵉⵡⵜⵜⴰⵙⵏ ⴰⴷ, ⵎⴽⵍⵍⵉ ⵉⵜⵜⵉⵡⵣ, ⵙ ⵓⵙⵎⵀⵍ ⵏ ⵜⴷⵔⴰⵡⵉⵏ ⵏⵏⵙ ⵜⵉⵙⵜⵔⴰⵜⵉⵊⵉⵢⵉⵏ, ⵅⴼ ⵡⴰⵏⵏⴰⵍ ⵏ ⵜⵙⵏⵜⴰⵢⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵜⵉⵔⵎⵉⵜⵉⵏ ⵏ ⵉⵙⴳⵔⴰⵡⵏ ⵏ ⵜⵎⵓⵔⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵉⵙⴳⵔⴰⵡⵏ ⵉⵙⴳⵎⴰⵏⵏ ⵢⴰⴹⵏⵉⵏ ⵥⵍⵉⵏⵉⵏ, ⴳ ⵉⵡⵏⵏⵉⵜⵏ ⵉⵥⵓⵕⴰⵏⵏ ⵉⵎⵢⴰⵏⴰⵡⵏ ⵣⵓⵏ ⴷ ⴰⵎⵣⴳⵓⵏ, ⵜⴰⵎⵙⵉⵍⵖⵜ, ⵙⵙⵉⵏⵉⵎⴰ, ⵜⵉⵔⵔⴰ, ⴷ ⵢⵉⵏⴰⵡ, ⴷ ⵓⴳⴳⴰⵔ. ⴰⵛⴽⵓ ⴳⴰⵏ ⴰⵙⴰⴷⴼ ⴰⴷⵙⵍⴰⵏ ⵏ ⵜⵓⵥⵥⵓⵜ ⵏ ⵜⵉⵏⴷⵉⵜⵉⵏ ⴷ ⵉⵔⵎⵎⵓⵙⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵓⴳⵜ ⵏ ⵜⵎⵔⵙⴰⵍ ⵏ ⵓⵙⵍⵎⴷ.
ⵜⵉⵎⵉⵔⵉⵏ
